|
| 7-8‧12 Youth Power Camp 雖然只是2日1夜 , 我帶果組係中三 ... 但都好辛苦  唔知係咪之前趕project , 身體都未休息返夠... 但身心真係好冇力!!這個camp真係只是為了幫手才去,,完全沒有事奉 , 助他們成長的心呢!!! 近期事奉真的很失力 ... 我也很想退退修 ... 想想,,搵搵神呢!!  覺得自己好冇!!!!!!用在camp內帶組帶得差 , 都唔知自己講咩 , 又control 唔到佢地不停講野 ; 返到大衛團又係咁 , 咁耐以黎都係咁 , 掛住講野唔用心 , 真係有d辛苦到想喊 有點想放棄唔帶。 跟住睇佢地踢波 , 見到細佬同另一個有相撞而嬲 , 但我都只係坐係側面冇理 , 袖手旁觀咁... 最後由eric調解。 縱然我疼佢地 , 但我又為佢地做左幾多呢? | | |
| 星期四 8-11 之前一晚做野溫書整到4點先訓 , 跟住一早又返去上英文。跟住PPT Test , 好在都有睇過下都識識地!!食完lunch就畫下graphic 等 joan tutorial , 又係最尾一組 , 等成幾個鍾...... 原本3:30 , 但到4點都未見我地就去睇下佢點.... 點知話見唔到我地 , 佢要去city u 聽you tube debriefing , 咁咪話聽完再見佢lo , 點知佢又好唔情願咁話"好" (好似嫌我地阻住佢放工咁!) 去左city 聽完係門口等佢又見唔到 , 入返去搵佢又冇人走左wo , 打俾佢又冇人聽...... 真係好嬲呀 ~ 依個miss好不付責任呀!!!!!! 之後同亞婷走 , 係又一城行左陣 , 買野食坐左係地鐵站出面食。天色已黑 , 又好大風 , 加上有亞婷個pre-board擺在係腳前 , 一陣大風就吹走左個board , 頓時覺得我地好似賣身葬父的小女孩。哈哈 諗起d路宿者都好慘 , d咁既天氣係街邊訓... 但係點解會有依d人架呢?!真係咁不濟到要訓街... 星期五 9-11 返工 --> lunch with何嘉煒 --> 返 ive 見返尋日冇見的joan 但真係有d無聊 , 見左10幾分鐘就走得......之後同alan去左旺角買料 , 估唔到10蚊店係咁應有盡有架!!係果度搵到唒我地要ge野 , 真係好。之後去左中南睇paper , 撞到寶迪咁就同佢一齊返屋企lu。 **今日終於睇哂士師記 + 以斯帖記 , 趕得到11/11前睇哂 , 歷史書的主日學就唔駛 fail la!!! | | |
| 星期六 3-11 大衛團 ，足球聯賽打和1比1 。中間蔡皓銘同handsome有爭吵 ，諾言同責任問題 。都唔知點調和?! 自己又唔識得踢波睇波 ，都唔知點賽後檢討 ，好在eric 幫一幫我 , 領隊都唔易做也!!之後係度睇下佢地踢波 ，又同青蛙傾下佢D感情事 ，喜愛跟他們傾計 ，像朋友般... 但細佬同handsome都唔知點同佢地傾先可以進入一下佢地內心...... 之後6點幾就同candy出灣仔聽唐慕華--娛樂自己 ，迷戀自己 ，青少年怎委身教會!!之後去食野 ，聽candy講佢屋企的野 ，我真的不明白你的感受 、你的想法 ，對唔住呀!!明白你都只係想講下 , 但卻沒有讓你發洩出來。 好在之後都冇咩野 , 咁就返屋企lu... 返到屋企 , 整好哂野同二哥&三哥傾計 , 講我的信仰 。一個就話我太沉迷 , 一個就係咁challenge聖經...過度用腦的一晚!! 不同的思想真的很難溝通呢!!天父求你去改變佢地的諗法 , 快D相信你啦!!!!!!! 星期日 4-11 今日一早又返去上主日學 , 可能尋晚唔夠訓又用腦過度 , 加上天氣咁冬 , 咁就病鬼左啦!!(星星係台灣仲冬 , 要小心身體 , 好好照顧自己呀!!!) 完左主日同小組就返屋企休息 , 訓左成個下午 , 晚上做左陣功課又訓 lu 。 星期一 5-11 10點幾返到去 , 等左幾個鍾先到我地tutorial 。之後食完野上3D Maxs 。原本今日同candy再去聽唐慕華--讓孩子到我這裡來 , 教養孩童的屬靈智慧 , 真係好想聽呀!! 但實在病得好辛苦返左屋企休息... | | |
| 聽日就上黃田短宣啦... 期望  一直也想試一試 ，終於有啦!!第一次去... 害怕 總好像預備不足似的 ，怕會遺留什麼沒有帶上去 ，希望沒有吧!! 自己好像有點去旅行的心情... 要重整一下--去是為了做大使命呢!! 天父啊~求你保守一切!! | | |
|
